Noi, feto oan ida ne’ebé moris iha situsaun traumatiku nia laran. Ninia aman kurti ho feto seluk no husik hela nia ho nia inan mesak hala’o sira nia moris. Tanba situsaun ida ne’e, hamosu ta’uk iha Noi ninia moris tomak. Nia ta’uk atu moris hamutuk ho mane. Nia ta’uk atu kaben. Nia lakohi harii uma kain. Nia ho ninia inan faluk hela iha sidade Dili. Nia inan tenta trata nia eskola no konsege eduka nia hodi sai ema di’ak, mezmu ninia inan la nota katak ninia oan feto moris hela iha traumatiku nia laran. La senti katak Noi ninia tinan ba ona tolu nulu, no loloos ne’e nia tenke kaben ona. Ninia inan mos hakarak tebes atu iha bei-oan antes nia atu mate.

Nune’e Nina hamosu ideia ida hodi hetan ka na’ok mane ida ninia esperma atu nia bele isin rua no kous oan ida sein harii uma kain ka kaben. Situasaun aumenta todan wainhira esperma ne’e nia konsege na’ok fali husi ninia dereitur foun ne’ebé momentu ne’ebá nia mos seidauk koñese di’ak. Too ikus nia konsege realiza ninia hakarak ne’e mezmu realidade mosu oin seluk. Maibe agradese tanba to’o ikus Noi bele moris ho mane ne’e ho kontenti, mezmu nia la’os sai fen dahuluk ba mane ida sai aman ba nia oan ne’e.